KG အဆင့် ဓမ္မစကူးလ်ဆရာဖြစ်သင်တန်း

                                                                                                                                        ဓမ္မစကူးလ်ဖောင်ဒေးရှင်း (ဗဟို)

                                                                                                             သူငယ်တန်း (KG) ဓမ္မစကူးလ်ဆရာဖြစ်သင်တန်း တက်ရောက်မည့်

                                                                                                                           သင်တန်းသား/သူများအတွက် သတ်မှတ်ချက်များ

 

၁။ ဆရာဖြစ်သင်တန်း တက်ရောက်ပြီးလျှင် တစ်လအတွင်း ဘုန်းတော်ကြီးကျောင်း၊ သီလရှင်ကျောင်း၊ ဓမ္မာရုံတစ်ခုခုတွင် ဓမ္မစကူးလ်ဆရာမအဖြစ် သင်ကြားပေးနိုင်ရမည်။

      (အထက်ပါနေရာများတွင် သင်ကြားရန် အခက်အခဲရှိပါက အခြားသင့်လျော်သော နေရာများ၌ သင်ကြားနိုင်ပါသည်။)

၂။ သင်တန်းတက်ရောက်မည့်သူသည် မူ/လယ်အဆင့် ဓမ္မစကူးလ်ဆရာဖြစ်သင်တန်းများကို မတက်ရောက်ဘူး  သူ ဖြစ်ရမည်။

၃။ သင်တန်းတက်ရောက်မည့်သူသည် အသက် (၁၈) မှ (၄၅)နှစ် အတွင်း ရှိသူ၊ ကျန်းမာရေး ကောင်းသူ၊ ဘာသာရေးကို စိတ်ဝင်စားသူ၊ ကလေးချစ်တတ်သူ၊ ကလေးများ၏ဝေယျာဝစ္စများကို                စိတ်ရှည်သည်းခံ၍ လုပ်ဆောင်နိုင်သူ ဖြစ်ရမည်။

၄။ အနည်းဆုံး အဋ္ဌမတန်း (၈)တန်း အောင်မြင်ပြီးသူ ဖြစ်ရမည်။ (အောင်မြင်ကြောင်း ပညာရေး ထောက်ခံစာ တင်ပြနိုင်ရမည်။)

၅။ ကျောင်းသား (၁၅) ဦးကို ဆရာမတစ်ဦးနှုန်းဖြင့် သင်တန်းတက်ရောက်နိုင်သည်။

၆။ တစ်ပတ်လျှင် တစ်ရက်၊ တစ်ရက်လျှင်သင်ခန်းစာတစ်ခုနှုန်းဖြင့် သင်ခန်းစာ (၄ဝ) ပြီးဆုံးသည်အထိ သင်ကြား ပေးနိုင်သူ ဖြစ်ရမည်။

၇။ သင်တန်းတက်မည့်သူသည် ဓမ္မစကူးလ်ဆရာမအဖြစ် ပြန်လည်သင်ကြားမည်မှာ မှန်ကန်ကြောင်း ကို ကျောင်းထိုင်ဆရာတော် (သို့မဟုတ်) ဓမ္မစကူးလ်ဖွင့်လှစ်ရာ ဦးဆောင်ပုဂ္ဂိုလ်တစ်ဦးဦး၏            ထောက်ခံစာ ပါရမည်။

၈။ လိုင်စင်ဓာတ်ပုံ (၃) ပုံနှင့် မှတ်ပုံတင်မိတ္တူ ယူဆောင်လာရမည်။

၉။ သင်တန်းချိန်အတွင်း ယောဂီဝတ်စုံ (သို့မဟုတ်) ဓမ္မစကူးလ်ဝတ်စုံ ဝတ်ဆင်ရမည်။

                                                                                                                 

                                                                                                                                   ဓမ္မစကူးလ်ဖောင်ဒေးရှင်း(ဗဟို)

                                                                                                                                       သူငယ်တန်း(KG)အဆင့်

                                                                                              ဓမ္မစကူးလ်ဆရာဖြစ်သင်တန်းတာဝန်ခံများ လိုက်နာဆောင်ရွက်ရမည့် အချက်များ

 

၁။     ဓမ္မစကူးလ်ဆရာဖြစ်သင်တန်းသားများအတွက် ဖောင်ဒေးရှင်းမှ ချမှတ်ထားသောသတ်မှတ်ချက်များ၊ စည်းကမ်းများနှင့်အညီ သင်တန်းသားများကို ကြိုတင်ရွေးချယ်၍ သင်တန်းအဆိုပြုလွှာ           တွင် ဖြည့်စွက် ရမည်။

၂။     တက်ရောက်မည့် သင်တန်းသားများစာရင်းကို အပြီးသတ်ရွေးချယ်၍ ဆရာဖြစ်သင်တန်း အဆိုပြုလွှာတွင် ဖြည့်စွက်ပြီး သင်တန်းမတိုင်မီ (၁၅)ရက် အလိုတွင် ဖောင်ဒေးရှင်းသို့ ပေးပို့ရမည်။

၃။     သင်တန်းအဆိုပြုလွှာတွင် ဖော်ပြထားသော သင်တန်းသားဦးရေကို အပြောင်းအလဲ ပြုလုပ်၍မရပါ။   တက်ရောက်မည့်သူ အမည်အပြောင်းအလဲရှိပါက နည်းပြအဖွဲ့နှင့် ညှိနှိုင်းဆောင်ရွက်နိုင်           ပါသည်။ (သင်တန်း တစ်ခုတွင် သင်တန်းသားဦးရေ (၃၀)သာ တက်ရောက်နိုင်ပါသည်။)

၄။     ဖြည့်စွက်ထားသော သင်တန်းသားလျှောက်လွှာများကို သင်တန်းမစမီ နည်းပြများအား ပေးအပ်ရမည်။

၅။     ဆရာဖြစ်သင်တန်းတွင် လိုအပ်သောစာရွက်စာတမ်းများ၊ သင်ထောက်ကူပစ္စည်းများ၊ ဆရာလမ်းညွှန် စာအုပ်များနှင့် သင်တန်းသုံးပစ္စည်းများကို သင်တန်းမတိုင်မီ ဖောင်ဒေးရှင်းမှ ထုတ်ယူ             မည်။ ၎င်းပစ္စည်း များကို သေချာစွာ စိစစ်ထုတ်ယူပြီး သင်တန်းအတွက် ကြိုတင်စီစဉ်ထားရမည်။

၆။     သင်တန်းနောက်ဆုံးရက်၌ “လက်တွေ့သင်ကြားခြင်း”သင်ခန်းစာတွင် လိုအပ်သော သူငယ်တန်း (KG) ကျောင်းသား/သူများ အနည်းဆုံး ဦးရေ(၁၅၀)ကို ကြိုတင်ပြင်ဆင်ထားရမည်။ (စာသင်            ချိန် ၂-ချိန်တွင် ဆရာမတစ်ဦးလျှင် (၁၀)ဦးနှုန်းဖြင့် လက်တွေ့ သင်ကြားပါမည်။)

၇။     ဆရာဖြစ်သင်တန်းသို့ လာရောက်ပို့ချမည့် သင်တန်းနည်းပြများ၏ နေရေး၊ စားရေးနှင့် ခရီးစရိတ် (အသွား/ အပြန်) တို့ကို တာဝန်ယူရမည်။

၈။     ဆရာဖြစ်သင်တန်းဆင်း ဓမ္မစကူးလ်ကျောင်းများ၏ လိုအပ်သောဆရာလမ်းညွှန်စာအုပ်များနှင့် သင်ထောက်ကူပစ္စည်းများကို သင်တန်းတာဝန်ခံမှ တာဝန်ယူ၍ စီစဉ်ပေးရမည်။

၉။     သင်တန်းတာဝန်ခံသည် သင်တန်းပြီးဆုံးလျှင် ကျောင်းများဖွင့်လှစ်နိုင်ရေးနှင့် ရေရှည်တည်တံ့ခိုင်မြဲရေး အတွက် သင်တန်းဆင်းဆရာ/ဆရာမများနှင့် လက်တွဲပူးပေါင်းဆောင်ရွက်ပေးရမည်။